كلية التربية جامعة بنها

اهلا بك اخى الزائر فى موقع كلية التربية جامعة بنها اذا كنت مسجلا عندنا فقم بالدخول
و اذا لم تكن من المسجلين فيسهل عليك التسجيل
ملحوظة: اذا قمت بالتسجيل فعليك تفعيل العضوية من خلال الايميل

شكرا
اللهم لك الحمد كما ينبغى لجلال وجهك وعظيم سلطانك
 الله 
اللهم صلى على سيدنا محمد فى الاولين وصلي عليه فى الآخرين و صلى عليه فى الملاء الأعلى الى يوم الدين وصلي عليه فى كل وقت وحين
 الله 
لا اله الا الله وحده لا شريك له ..له الملك و له الحمد و هو على كل شيء قدير
 الله 
اعوذ بكلمات الله التامات من شر ماخلق
 الله 
حسبي الله لا اله الا هو عليه توكلت وهو رب العرش العظيم
 الله 
لا اله الا أنت سبحانك انى كنت من الظالمين
 الله 
اللهم ارنا الحق حقا و ارزقنا اتباعة و ارنا الباطل باطلا و الهمنا اجتنابه وكن لنا و لا تكن علينا يا ارحم الراحمين
 الله 
اللهم استرنا فوق الأرض وتحت الأرض و يوم العرض عليك
الله

    التطوور عمل فينا ايه؟؟

    شاطر

    basant
    عضو بلاتيني
    عضو بلاتيني

    عدد المساهمات : 1681
    السٌّمعَة : 6
    تاريخ التسجيل : 26/10/2009
    الموقع : benha
    تعاليق : Enjoy your life today....... Because yesterday
    had gone and tomorrow may never come

    نقاش التطوور عمل فينا ايه؟؟

    مُساهمة من طرف basant في الثلاثاء مارس 09, 2010 5:02 pm

    بسم الله الرحمن الرحيم


    احم احم نبدأ الموضوع على بركه الله




    احيانا ما يفعل الانسان الكثير من الافعال التى قد يندم عليها وقد يشعر بالخطاء اتجاه فكره ما




    وهناك من يخطء ولا يدرى وهناك من يفعل ولا يخطء





    عربي ده يا مرسي




    نبسط المسأله شويه



    بصراحه التجارب العديده الى مرت بحياتى كاحد الشباب المصرين المدافعين عن الكيان المصرى العربى



    خلتنى عندى وعى تماما اننا عمرنا ما هانتغير
    ( في المشمش)


    او بالمعنى الابسط عمرنا ما هانشوف تلميذ في التعليم ده مخترع ذره
    ( احلم يا معلم احلم )


    وعمرنا ما هانشوف تعليم كويس


    على سبيل المثال :
    المثال وليس الحصر

    الانترنت





    مفيش شك انو كان ليه دور كبير فى زياده الحركه المعلوماتيه تجاه الدول الناميه ( اللى ذى حالتنا )
    ولكن للاسف الشديد الطبع يغلب التطبع



    اصبح النت لنصف شباب مصر بيستخدمو النت لحاجتين ملهمش تالت



    ياما الشاااات ( وغرف المحادثه والمزز وصباحو عسل بأذن الله )



    ياما ( مواقع ثقافيه و طبعا المواقع دى منتشره وبكثره واصبح بيتفرج عليها الكبير قبل الصغير ( وبرضو صباحو عسل بعون الله)






    واصبح الاخرين من مستخدمى الانترنت فى مصر هما اللى بيستفيدو استفادة كامله من النت عموما(( يعنى اما قولت النصف دى كانت مجامل كمان للشباب مع انى لو قلت 90% من الشباب هتبقى مقولتى صحيحه بروضو بس خلينا كده نمسك العصايا من النص






    وبصراحه انا ليا وجهه نظر فى الموضوع دة




    انا شايف ان الانترنت فى مصر لازم يكون ليه سن معين




    يعنى مثلا مش نستنى من عيل عنده 10 او 12سنه انو يفتح النت عشان يشوف اخبار العالم الاقتصادى ايه ؟



    ومننتظرش من بنت عندها10 او 12 سنه انها تفتح نت عشان تتابع وبشغف اخر التطورات الديموقراطيه للحياه السياسيه للمجتمع الثالث



    طب ومالو يا احمد وانت مال ....... لما البنت او الواد يفتحو النت عشان يعملو شات مع بعض




    عادى خالص مفيهاش اى حاجه بس الموضوع بيكون ليه تطورات رهيبه




    تعالو نعيش مع قصه بنت عندها 14 سنه اسمها ( بكيزه محروس ادينى رنه )


    يحكا انا

    فى احدى الرومات المغلقه


    ميزو : هاى ممكن نتعرف
    بكيزه محروس ادينى رنه : هاى اه طبعا ممكن
    ميزو : انا ميزو من المهندسين من شارع جيهان ( اه طبعا دى اللى جنب موقف عربيات رمسيس كده )
    بكيزه محروس ادينى رنه : وانا ملك من جاردن سيتى( طبعا اسمها الحقيقى جملات وساكنه فى عزبه الصفيح)
    ميزو : كام سنه يا ملوكه ( يارب تتطلع صغيره ومش متجوزه )
    بكيزه محروس ادينى رنه : عندى 14 سنه ( لا معلومه صحيحه دى )
    ميزو : ممكن كاميرا يا ملك لو مفيهاش ازعاج
    بكيزه محروس ادينى رنه : لا مش هاينفع افتح كاميرا يا ميزو انا لسا معرفكش
    ميزو : خلاص ممكن مايك طيب ( اى حاجه فى يومك الاسود ده )
    بكيزه محروس ادينى رنه : اه ماشى بس ناخد على بعض الاول
    ميزو : طب انتى بتعملى ايه دلوقتى
    بكيزه محروس ادينى رنه : انا بكلمك طبعا ( ايه السؤال الغبى ده )
    ميزو : طب انا كنت مخنوق وعايز افضفضلك شويه .. ممكن ؟

    بكيزه محروس ادينى رنه : اه طبعا ممكن احنا خلاص بقينا اخوات ( بتبدأ دايما باخوات )
    ميزو : وانا خلاص اعتبرتك زى اختى بالضبط وهاقولك على قصتى
    وطبعا بعد محادثه عمرها 15 دقيقه
    بيحكى ميزو قصه غالبا بتكون عن ان حبيبته سابته او خانته او ماتت او داستها باخره
    ونكمل المحادثه
    بكيزه محروس ادينى رنه : ياااه يا ميزو ربنا معاك انتا انسان جميل
    ميزو : انا مخنوق اوى بعد ماقولت القصه دى
    بكيزه محروس ادينى رنه : ميزو ممكن طلب ( اوبا ابتدينا بقى بالطالبات ارغى)
    ميزو : اتفضلى قولى يا قمر
    بكيزه محروس ادينى رنه : ممكن اشوف صورتك ( يارب يطلع زى تامر حسنى )
    ميزو : عيونى ( نخش بقى جوجل نستنضف صوره كده لشاب حليوه )
    بكيزه محروس ادينى رنه : الله قمر والله
    ميزو : ربنا يخليكى ليا يارب
    بكيزه محروس ادينى رنه : انا حاسه ان انتا الانسان اللى بدور عليه ( سبحان الله منتو كنتو اخوات من شويه )
    ميزو : وانا كمان والله ممكن اشوف صورتك طيب
    بكيزه محروس ادينى رنه : طبعا ثانيه واحده ( اما اروح اجبله صورتى وانا فى حمام السباحه الى مودى على المصرف )
    ميزو : الله الله قمر والمصحف ( ايه الحته الجامده دى )
    بكيزه محروس ادينى رنه : ممكن مايك
    ميزو : حاضر
    بعد شويه
    ميزو : ممكن كاميرا
    بكيزه محروس ادينى رنه : حاضر
    بعد شويه شويه
    بكيزه محروس ادينى رنه : ممكن رقمك
    ميزو : اتفضلى اهو(هى الى طلبته هى الى طلبته كنت مترهنا على كده مع الواد سيد سبانخ
    شويه شويه وتاتا تاتا خط العتبه )
    ميزو : انا عايز اشوفك على الطبيعه
    بكيزه محروس ادينى رنه : هافتح كاميرا حالا
    ميزو : لا انا عاوز اشوفك
    بكيزه محروس ادينى رنه : امممممممممم اوك

    وطبعا الكاميرا جرت معاها حاجات كتير والخروجه اكتر
    وللاسف دلوقتى البنت دى مهدده دلوقتى بعدد 100 صوره من الصور الفاضحه
    وميزو دلوقتى عايش اللحظه وملك الى مش اسمها ملك ياعينى هاريه نفسها من العياط
    ومش كل البنات كده هى الى عملت كده فى نفسها







    [center]وطبعا وقبل كل شيء لكل قاعده شواذ




    وهذا هو حال الشات وتأثيره الفسيولوجى على الشباب الصغيرين والبنات الصغيرات


    نخش على حاجه تانيه مثلا


    الموبايل



    تم اختراع الموبايل لظروف عمليه تساعد على الاتصال السريع والتنقل الاسهل



    وبعد كده تطور الموبايل بصوره جميله


    حتى اصبح الموبايل شىء اساسى فى حياه المواطن المصرى يعنى اهم من اللبس والمظهر والاكل والشرب



    تلاقى اطفال فى مدارس شايله الموبايلات وعاملين يتفرجو على المقاطع اللذيذه


    وتلاقى شباب فى جامعات قاعدين على سلم المدرج ومقضينها بلوتوث وحركات


    حتى الموبايل اصبح استخدامه مضر جدا بالصحه ويسبب الوفاه ( زى السجاير بالضبط )


    تيجو نحكى حكايا الشاب اللى اسمو ( احمد ادهم اشرف اخر حاجه )


    ولا بلاش عشان دى قصه مؤثره جدا



    من الاخر يا جماعه انا حزين على سوء استخدمنا لكل التطور اللى بيحصل حوالينا


    المشكله كلها اساسا سببها اننا اتفاجئنا بالتطور دة جى ومش معانا كتالوج لكيفيه استخدامه


    يعنى الفلاح كان بيتفرج على فيلم ( المراهقات ) على القناه الثانيه فى ساعه عصارى وكان بيضييييع


    فجأه الفلاح ركب ريسيفر وشاف الحاجات اللى عمرو ماشفها قبل كده وضاااع اكتر


    والشباب الوحشين اللى كانو بيقعدو على ناصيه الشارع عشان بنت الجيران تبتسم ليهم ويضيعوو


    لاقو فجأه حاجه اسمها نت وشاات وبقى يعرفو بنات بسهوله وضاااعو اكتر


    وكان الشاب بيبيض عشان ياخد رقم التليفون الارضى بتاع البنت اللى كانت بتكبته على طرف المنديل الابيض بتاعها


    ودلوقتى بقى بقمه السهوله بياخده وبقمه السهوله البنت بتغييره


    زمان كان العالم بيقعد تايه بين المراجع والكتب عشان يحصل على معلومه عايز يعرفها ويطلع عين امو وعين اهله كلهم


    ودلوقتى بقى بمجرد انو يدوس على كمله انتر على موقع جوجل وتجيله المعلومه وهو حاطط رجل على رجل




    دة تطور جميل وكل حاجه



    بس لازم يستغل صح



    الشباب ضايع



    والشباب فاااسد واهم حاجه عنده ( البت سوسو والموبايل الصينى ابو شريحيتن والتهرب من الجيش))



    وبرضو انا بتكلم على فئه معينه بس من النوع ده وليس المجتمع كلو




    زى ما بقول




    لكل قاعده شواذ



    كل الحكايه ان الموضوع ده كتر شويه فى البلد والواحد بيتكلم مع نفسو كتير فى الموضوع ده وحبيت اطرحو عليكم




    يا ترى دى مصر الى قال عنها الرسول صلى الله عليه وسلم (إذا فتح الله عليكم مصراً فتخذوا منهم جنداً كثيرا فأنهم خير أجناد الأرض))



    بس انا متفائله
    اه والنعمة متفائله
    مش عارفه ليه ؟؟
    ربنا يستر ..
    [/center]

    del piero
    عضو بلاتيني
    عضو بلاتيني

    عدد المساهمات : 1447
    السٌّمعَة : 6
    تاريخ التسجيل : 16/12/2009
    العمر : 33
    الموقع : http://www.facebook.com/profile.php?v=info&id=100000139415388#!/profile.php?id=100000238494482
    تعاليق : ابفكر ف اللى ناسينى ..وبنسى اللى فاكرنى ...واهرب من اللى شارينى ...وادور ع اللى بايعنى ...

    نقاش رد: التطوور عمل فينا ايه؟؟

    مُساهمة من طرف del piero في الثلاثاء مارس 09, 2010 5:39 pm

    هههههههههههه
    توبيك هايل بجد شكرا ليكى

    بس الحل ايه ؟؟الحل ايه ؟

    اييييييييييه؟

    basant
    عضو بلاتيني
    عضو بلاتيني

    عدد المساهمات : 1681
    السٌّمعَة : 6
    تاريخ التسجيل : 26/10/2009
    الموقع : benha
    تعاليق : Enjoy your life today....... Because yesterday
    had gone and tomorrow may never come

    نقاش رد: التطوور عمل فينا ايه؟؟

    مُساهمة من طرف basant في الأربعاء مارس 10, 2010 6:08 pm

    شكراا لمرورك ديلبيرو

    mona2010
    عضو متقدم
    عضو متقدم

    عدد المساهمات : 28
    السٌّمعَة : 3
    تاريخ التسجيل : 04/03/2010

    نقاش رد: التطوور عمل فينا ايه؟؟

    مُساهمة من طرف mona2010 في الأربعاء مارس 10, 2010 10:31 pm

    بجد موووووووووضووووووووووع جامد بسنت
    شكرااااااااااا جزاكى الله خيراااااااااااا

    ALL STOP MAZA THE TOP
    عضو بلاتيني
    عضو بلاتيني

    عدد المساهمات : 610
    السٌّمعَة : 6
    تاريخ التسجيل : 25/02/2010
    العمر : 27
    الموقع : لا اله الا الله

    نقاش رد: التطوور عمل فينا ايه؟؟

    مُساهمة من طرف ALL STOP MAZA THE TOP في الأربعاء مارس 10, 2010 10:46 pm

    طب اوك يبقى العيب مش فى التطور العيب قينا احنا
    احنا اللى متخلفين عن العالم الخارجى
    وكل حاجه حلوه ونخترع فيها علشان خليها وحشه

    بس

    بيتيفل توبيك

    قمر الزمان
    عضو مميز
    عضو مميز

    عدد المساهمات : 182
    السٌّمعَة : 3
    تاريخ التسجيل : 13/02/2010
    الموقع : قمر .دوت .كوم
    تعاليق : سكك كتير قدامي ولا سكة فيهم تعجبني .. وده مش هيكسر أحلامي ولا حد هيقدر يحاسبني .. ويقيني في الله هيوصلني بالطريقة اللي تناسبني .. ما أنا طول ما أنا ماشية في طريقه ولا يوم أبداً هايسيبني


    .................

    طول ما طالع منك نفس ولسه في الدنيا عايش .. يبقى أكيد ليك دور وربنا سايبك عشانه .. دور عليه وإعمله ومتقبلش تكون عــ الهامش



    نقاش رد: التطوور عمل فينا ايه؟؟

    مُساهمة من طرف قمر الزمان في الأربعاء مارس 10, 2010 10:49 pm

    عندك حق والله فى كل اللى قولتيه
    ربنا يهدى الشباب
    ناااااااااايس توبيك ياقكر

    basant
    عضو بلاتيني
    عضو بلاتيني

    عدد المساهمات : 1681
    السٌّمعَة : 6
    تاريخ التسجيل : 26/10/2009
    الموقع : benha
    تعاليق : Enjoy your life today....... Because yesterday
    had gone and tomorrow may never come

    نقاش رد: التطوور عمل فينا ايه؟؟

    مُساهمة من طرف basant في الأربعاء مارس 10, 2010 11:16 pm

    ميرسى منى ومزاكونى وقمر لمروركم

      الوقت/التاريخ الآن هو الجمعة ديسمبر 02, 2016 8:01 pm