كلية التربية جامعة بنها

اهلا بك اخى الزائر فى موقع كلية التربية جامعة بنها اذا كنت مسجلا عندنا فقم بالدخول
و اذا لم تكن من المسجلين فيسهل عليك التسجيل
ملحوظة: اذا قمت بالتسجيل فعليك تفعيل العضوية من خلال الايميل

شكرا
اللهم لك الحمد كما ينبغى لجلال وجهك وعظيم سلطانك
 الله 
اللهم صلى على سيدنا محمد فى الاولين وصلي عليه فى الآخرين و صلى عليه فى الملاء الأعلى الى يوم الدين وصلي عليه فى كل وقت وحين
 الله 
لا اله الا الله وحده لا شريك له ..له الملك و له الحمد و هو على كل شيء قدير
 الله 
اعوذ بكلمات الله التامات من شر ماخلق
 الله 
حسبي الله لا اله الا هو عليه توكلت وهو رب العرش العظيم
 الله 
لا اله الا أنت سبحانك انى كنت من الظالمين
 الله 
اللهم ارنا الحق حقا و ارزقنا اتباعة و ارنا الباطل باطلا و الهمنا اجتنابه وكن لنا و لا تكن علينا يا ارحم الراحمين
 الله 
اللهم استرنا فوق الأرض وتحت الأرض و يوم العرض عليك
الله

    ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    شاطر

    كليوباترا
    عضو مبتدىء
    عضو مبتدىء

    عدد المساهمات : 9
    السٌّمعَة : 3
    تاريخ التسجيل : 15/07/2010

    هام ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    مُساهمة من طرف كليوباترا في الأحد يوليو 18, 2010 11:25 am


    حلو البتاع ده
    فكر ازاى تفكر
    المهم



    ’’ الحكمـــــــــــــــــة ضالة المؤمن اينما وجــدها اخــذ بها ’’




    -لا أحد يستطيع إهانتك إلا بمساعدتك


    (يعنى
    من الاخر كده انت اللى بتعمل الحاجه لنفسك و بنفسك اللى بيهينك اكيد انت
    عملتله حاجه او كان فيه سبب لكده نادره الافعال الحقيقيه اللى ملهاش سبب
    بس ما اكثر الافعال اللى ليها سبب و احنا اللى بنتهرب من السبب ده )





    3-عظَمة عقلك تخلق لك الحساد .. وعظَمة قلبك تخلق لك الأصدقاء

    (عاجبانى الجمله دى خالص الانسان فى الاغلب
    بيحزن لما يلاقى الحساد عليه بس ده مبيدلش غير على عظمه العقل , اما بقى
    حكايه الاصدقاء و علاقتها بالاصدقاء فهى بتتكلم عن السماح و ان كل واحد
    يكون باقى على التانى مش من اول غلط بالسلامه هى دى عظمه القلب )




    4-عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

    (احم ..... ابلغ حاجه بنتوصف بيها يدوبك تقول
    على واحد كويس سواء فى وجوده او غيابه يقولولك اه عايز منه ايه اما بقى
    لما تقول على حد انه عمل و عمل تلاقى ميه موافقين و ميه تانين يقلولك على
    انه عمل معاهم نفس الحركه و انك العبيط انك مكنتش عارف )




    5-لا يوجد رجل فاشل ولكن يوجد رجل بدأ من القاع وبقى فيه.

    (بدا من القاع و بقى فيه يعنى زى كده اللى بدا
    ببيع ورق المناديل و الحمد لله مات وهو بيسرح الغيال عشان يبيعوا المناديل
    , بدا فى القاع و انتهى فيه )




    6-يقول ديل كارنيجي: "ما من تعيس اكثر من الذي يتوق ليكون آخر مختلفا عن شخصه جسداوعقلا".

    (يعنى اللى الحمد لله طول الليل و النهار بيقول
    اه بس لو كنت ابن كذا او اعرف كذا او كذا بيحبنى , او اللى يقلك اه لو
    ابقى فى جمال كذا او عبقريه كذا او معارف كذا , و كلام كتير من ده لا
    بيودى و لا بيجيب و الحمد لله وصفه كارنيجى ابلغ وصف انه
    تعيييييس )



    7-يقول سنيكا: رايك بنفسك اهم من راي الاخرين فيك".

    (يعنى من الاخر متعدش تسال مين رايه فيا ايه او علان شايفنى ازاى و الكلام ده

    كل واحد عنده جواه صوره عن نفسه و بنعيش طول عمرنا بنحاول نحافظ على الصوره دى و اللى بيتميز هو اللى بيبدا يحاول يجملها كمان

    يعنى اللى بيسالوه رايك ايه فى نفسك او الناس
    بتحبك او هل انت و انت و انت و يرد يقول الناس هى اللى ادرى ماهو الا انه
    بيتهرب من الاجابه )




    8-يقول السباعي_رحمه الله_: "تحدثك عن نفسك دليل على انك لست واثقا منها".

    (طبعا الكل فاهم الحته دى اللى يتكلم خمسميه
    كلمه متين منهم كلمه انا او اللى عنده براعه فائقه فى انه يدخلك من اى
    موضوع عليه يعنى تبتديله بموضوع عن الربيع ينتهيلك بقد ايه هو جميل بتعرف
    على طول انه عايز يثبتلك انت كده عشان يستمد من ثقتك فيه القدره على انه
    يثق فى نفسه )




    9-يقول جيري: "لا يوجد في العالم من هو مخطئ على الدوام، فحتى الساعة الواقفة تكون على حق مرتين في اليوم الواحد".

    (حلو الجمله دى جدا فحتى اللى القاعده العامه
    بتاعته الغلط مينفعش برده معاه نقول ده مبيقلش حاجه صح و نقع تانى تحت
    طائله التعميم و اكيد ده برده بينطبق على اللى بيقول انه مبيعملش حاجه غلط
    لانه لو مبيعملش حاجه غلط يبقى هو مبيعملش حاجه اساسا )

    10-لكي تتجنب النقد لا تفعل شيئاً، ولا تقل شيئاً ، ولا تكن شيئاً





    (يعنى
    من الاخر ان اى انسان لازم يتعرض للنقد و الا يبقى العيب منه و يستحق على
    كده النقد , يعنى لو زعلان من النقد اللى عليك سواء بناء او هدام فما عليك
    الا انك تبقى زى القرده الثلاثه لا ارى لا اسمع لا اتكلم ..... وخلينى فى
    حالى احسن )





    11-قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه




    (عمر
    ما حد مهما كان قريب انه يحس بجرح حد تانى لانه ببساطه مش هو اللى عايشه ,
    ممكن يزعل عليك يحاول يساعدك بس عمره ما حيبقى انت , وده طبعا ماشى على
    نفس رتم انك لما تحب تخفف جرحك خففه انت فما حك جلدك مثل ظفرك و زى بيت
    الشعر الجميل اللى بيقول


    لا تشكو للناس جرحا انت صاحبه ... لا يالم الجرح الا من به ألم )




    12- تكلم وأنت غاضب فستقول أعظم حديث تندم عليه طول حياتك

    (يعنى
    من الاخر اللى بيجلهم مشكله و يروح هابب فى اللى قدامه مهما كان و لاى سبب
    و لما بقى يرجع يهدى يملى الدنيا اعتذارات و يقول اسف اسف اسف و انتوا
    عارفين ان انا كنت متعصب و ان انا مبعرفش حد فى الوقت ده و اللى بقى يزعل
    منه يعد يقول هو اللى مش بيقدر هو انا حعد اصالح كل الناس كده عيب عليهم
    خاااااالص!)


    اعتقد ان الموضوع باين ان انا جمعت شويه من مقولات الحكماء و الناس المعروفه دى
    بعد كده جت امه الله اللى هى انا و علقت على الكلام ده
    انا بقى اللى عايزاه انكو تناقشونى فى فهمة و تعليقى على الكلام
    بس
    و الموضوع يعنى لسه كبير شويه تانى
    بس ياريت محدش يقولى موضوع حلو ويطلع
    عشان بس الضغط و السكر و كده

    فى رعايه الله



    كليوباترا
    عضو مبتدىء
    عضو مبتدىء

    عدد المساهمات : 9
    السٌّمعَة : 3
    تاريخ التسجيل : 15/07/2010

    هام رد: ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    مُساهمة من طرف كليوباترا في الأحد يوليو 18, 2010 11:27 am

    13-
    قال أحد الحكماء لابنه في موعظة: يا بني .. إذا أردت أن
    تصاحب رجلاً فأغضبه ..فإن أنصفك من نفسه فلا تدع صحبته .. وإلا فاحذره !


    (
    من اجمل الجمل اللى قريتها عشان اغلب الناس و هى متعصبه و دمها محروق
    مبيعرفش اللى قدامه و بيعمل اللى فى دماغه و خلاص بس اللى فى الوقت ده فكر
    تانى و راجع نفسه عشانك يبقى هو ده الاخ و الصديق الحقيقى , اما بقى اللى
    يطلع كل همه و يفشه فيك فده ميستحق
    ش اساسا انك تكون اعتبرته فى يوم من الايام اخ و صديق )


    14-لا يجب ان تقول كل ما تعرف ... ولكن يجب ان تعرف كل ما تقول.



    الحكايه دى الناس بتعملها بطبيعيه و غريزيه تلقائيه يعنى انت مش حتلاقى
    اللى يقلك كل اللى يعرفه فى الحاجه مهما دورت الا ان يكون استاذك (احم و
    دى بقت نادره قوى دلوقتى ) و ابوك , اما بقى النص التانى فالناس عمرها ما
    طبقته اساسا بالتاقائيه بتاعت النص الاول فتلاقى الواحد مستعد يفتى فى كل
    حاجه و اى حاجه زى اللى تقله عن (
    بو ) يقلك ااااااااااه عارفه بتاع السح ادح امبو !!!!!!!!


    (احم على فكره (بو ) تقريبا الاشهر من مؤلفى الرعب ككتابه و شعر )


    15-عندما سقطت التفاحه الجميع قالوا سقطت التفاحه .. الا واحد قال لماذا سقطت التفاحه !!!!


    (
    ودى طبعا ثقافه شعب الاخد بالنتايج من البدايه من حتى محاوله الوصول
    للبدايات او الاسباب و طبعا مش حقول المثال الاشهر عن اللى وقعت فوق راسه
    تفاحه راح حمد الله على التفاحه و اكلها و نام , و اللى وقعت برده على
    راسه تفاحه قعد يتامل و يفكر فى السبب اللى خلاها تقع و يحط الاحتمالات
    المختلفه لاسباب وقوعها


    فممكن نقول دون غلط كبير ان مجتمعنا لايعرف علامات الاستفهام, الاجوبة حسمت عنده منذ الف سنة )



    ليتنا مثل
    الاسامي لا يغيرنا الزمن -16


    (
    وده حال البشر فى كل زمان و مكان يعنى اللى سيبته من سنه متولى حترجع
    تلاقيه متولى ماشى بس هل حيفضل متولى فعلا معتقدش بس الغريب فى الموضوع ان
    اللى عايشين مع متولى عمرهم ما حيقولوا انه اتغير ولو بمقدار بوصه واحده
    عنه من سنه , وده طبعا بيظهر فى اوضح صوره فى التغيرات الشكليه عمر الام
    ما تقول ان ابنها شكله اتغير بس اى عم او خال يقدر بلمحه عين يطلعلها عشره
    اختلافات عن زمان )



    17- طعنة
    العدو تدمي الجسد ..... وطعنة الصديق تدمي القلب


    (طبعا
    الجمله دى برده مفهومه لينا ممكن العدو يجرحلك ايدك يقطعهالك بس برده
    حيفضل عندك امل انها تخف او ان عندك ايد تانيه , بس عمر جرح الصديق ما بخف
    خالص ممكن يدمل او يتنسى و يتسامح بس برده حيفضل قاعد عشان انت معندكش غير
    قلب واحد و جروحه مبتروحش)


    18 - الأسباب الصغيرة لها غالباً نتائج كبيرة؛ ففقدان المسمار أضاع الحذوة، وفقدان الحذوة أضاع الحصان، وفقدان الحصان أضاع الفارس


    (هههههههههه
    حلوه الحكايه دى و ممكنه طبعا و بينطبق نفس الكلام على الذنوب الصغيره
    كلما زادت ممكن تؤدى فى النهايه لكوارث كبيره , معظم النار من مستصغر
    الشرر)


    19- نمرٌ مفترس أمامك .. خير من ذئب خائن وراءك


    (احم
    ... الحمد لله انه قال نمر اصل الاسود دى اساسا مينفعش يتقال عليها مفترسه
    خالص , اما الحكمه دى نفسها يعنى فطبيعيه و كمان ينفع تبقى او هى اساسا
    قاعده عسكريه و عنصر المفاجاه اللى ممكن يعتمد عليه الذئب )


    20-الانسان هو عاطفة غير مجدية الحرية هي الرعب
    سارتر


    ( اكيد الانسان عاطفه بس حكايه انها غير مجديه فهى عليها قولان او بمعنى اخر على حسب ديانه صاحبها و رؤيته لمعناها


    اما حكايه رعب الحريه فده موجود و مرسخ فى وجدان الانسان و من هنا طلعت جمله (و انا مالى خلينى فى حالى) الحريه بتفرض عليه انه بيفجر الكلمه دى اساسا






    21-نحن مجانين إذا لم نستطع أن نفكر ومتعصبون إذا لم نرد أن نفكر وعبيد إذا لم نجرؤ أن نفكر


    (
    انا بقى بقول على حته ان المجانين مش بيفكروا ...لا بيفكروا بس تفكير لاما
    ناقص لاما فى الاتجاه الغلط , اما بقى اللى عايزين يبقفلوا دماغهم على
    كلمه واحده و راى واحد مهما كانت الظروف اللى بعد كده فصراحه اقل حاجه
    يتقال عليهم متعصبون , اما بقى حته الجراه على التفكير دى من اصعب الحاجات
    لان تفكيرنا نفسه بيشمل مفهوم حريتنا اللى عنده ميت قيد على فكره اولها
    نفسه هو عمرنا ما حنقدر نوصفه باقل من كلمه عبد )


    22-وردة واحدة لإنسان على قيد الحياة أفضل من باقة كاملة على قبره


    (جميله
    الحته دى بس على حسب فهمى ليها ,ليه لما الواحد يتوفاه الله تلاقى الكل
    طلع قال ااااااه ده كان راجل كويس و عمل و عمل و تلاقى قصايد الشعر اتقالت
    بقى و يحسسوك بكميه نفاق مش رهيبه بس مفزعه فى كلامهم , بس لما تيجى بقى و
    هو عايش و لا حد كان بيعبره بكلمه و لا حتى جزء من الكلام الكتير اللى
    بيقولوه اول لما روحه طلعت لبارئها )


    23- نحن نميل إلى تصديق أولئك الذين لا نعرفهم لأنهم لم يخدعونا من قبل


    (هههههههه
    .... وده شئ طبيعى و بيحصل كتير يعنى لما حد اول مره تشوفه و يقلك شوف ده
    حصل و حصل و حصل بنسبه 99% مش حتشك فى كلامه او بمعنى اصح مش حتفكر فيه
    كتير , عشان و بكل بساطه حتعتبر انه صح عشان مجهول بالنسبالك

    و على فكره الحكايه دى بتحصل بطريقه لا اراديه )

    ياللا بقى نشوف تفااااااااااااااعلكم


    فى رعاية الله

    كليوباترا
    عضو مبتدىء
    عضو مبتدىء

    عدد المساهمات : 9
    السٌّمعَة : 3
    تاريخ التسجيل : 15/07/2010

    هام رد: ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    مُساهمة من طرف كليوباترا في الإثنين يوليو 19, 2010 12:06 pm


    زهرة الربيع
    عضو بلاتيني
    عضو بلاتيني

    عدد المساهمات : 570
    السٌّمعَة : 3
    تاريخ التسجيل : 01/03/2010
    العمر : 29
    تعاليق : الهي.........
    لا اعلم ماتخفيه الايام
    لكن ثقتي بأنك معي تكفيني
    يافارج الهم وياكاشف الغم
    "فرج همي ويسر امري وارحم
    ضعفي وقلة حيلتي وارزقني
    من حيث لا احتسب
    يــــــــــارب العالمين"


    هام رد: ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    مُساهمة من طرف زهرة الربيع في الإثنين يوليو 19, 2010 2:57 pm

    لا مش تزعلي ياقمر والله التوبيك تحفة تسلمي
    وانا اجمل جزأ عاجبني هو
    لا احد يستطيع اهانتك الا بمساعدتك
    انا عن نفسي اتعرضت لموقف زي كدة يعني
    اتهنت فكنت مضطرة اني انا كمان استرد كرامتي بالطريقة اللي تريحني
    وتزيل عني عبئ الاحساس بالاهانة
    ميرسي تاني للتوبيك الجميل ده
    ومستنيين اجمل من كدة

    كليوباترا
    عضو مبتدىء
    عضو مبتدىء

    عدد المساهمات : 9
    السٌّمعَة : 3
    تاريخ التسجيل : 15/07/2010

    هام رد: ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    مُساهمة من طرف كليوباترا في الإثنين يوليو 19, 2010 7:38 pm

    ميرسى ليكى زهرة

    del piero
    عضو بلاتيني
    عضو بلاتيني

    عدد المساهمات : 1447
    السٌّمعَة : 6
    تاريخ التسجيل : 16/12/2009
    العمر : 33
    الموقع : http://www.facebook.com/profile.php?v=info&id=100000139415388#!/profile.php?id=100000238494482
    تعاليق : ابفكر ف اللى ناسينى ..وبنسى اللى فاكرنى ...واهرب من اللى شارينى ...وادور ع اللى بايعنى ...

    هام رد: ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    مُساهمة من طرف del piero في الإثنين يوليو 19, 2010 11:36 pm

    هايل يا كليو

    توبيك رائع يسلم زوءك ف الاختيار

    قمر الزمان
    عضو مميز
    عضو مميز

    عدد المساهمات : 182
    السٌّمعَة : 3
    تاريخ التسجيل : 13/02/2010
    الموقع : قمر .دوت .كوم
    تعاليق : سكك كتير قدامي ولا سكة فيهم تعجبني .. وده مش هيكسر أحلامي ولا حد هيقدر يحاسبني .. ويقيني في الله هيوصلني بالطريقة اللي تناسبني .. ما أنا طول ما أنا ماشية في طريقه ولا يوم أبداً هايسيبني


    .................

    طول ما طالع منك نفس ولسه في الدنيا عايش .. يبقى أكيد ليك دور وربنا سايبك عشانه .. دور عليه وإعمله ومتقبلش تكون عــ الهامش



    هام رد: ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    مُساهمة من طرف قمر الزمان في الأربعاء يوليو 21, 2010 5:38 pm

    فعلاااااا عندك حق

    نااااايس توبيك ياقمر

    -لا أحد يستطيع إهانتك إلا بمساعدتك

    دى بقى مية مية
    الانسان اللى بيهين نفسه

    ALL STOP MAZA THE TOP
    عضو بلاتيني
    عضو بلاتيني

    عدد المساهمات : 610
    السٌّمعَة : 6
    تاريخ التسجيل : 25/02/2010
    العمر : 27
    الموقع : لا اله الا الله

    هام رد: ~¤¦¦§¦¦¤~كلام ...كلام ....كلام....بس يفرق ~¤¦¦§¦¦¤~

    مُساهمة من طرف ALL STOP MAZA THE TOP في الخميس يوليو 22, 2010 7:25 pm

    لا يوجد رجل فاشل ولكن يوجد رجل بدأ من القاع وبقى فيه.


    جميله الجمله دى يامليكه بس على ما اعتقد انها غلط
    لان فعلا فى رجال كتير فشله زى اللى بيبدا من القمه ويموت وهو فى القاع

    صح ولا ايه


    بس بجد من اجمد التوبيكات اللى قراتها من ساعة ما عرفت النت
    وخصوصا تعليقات على المثال
    هو انتى اللى معلقه ولا نقلها اصلها بجد


    جميله اوى

    nice topic ya





      الوقت/التاريخ الآن هو السبت ديسمبر 03, 2016 3:39 pm