احمد واسلام ومصطفي ومزكوني وبسنت وساره وايمي وشمس

شمس كتب:بسم الله الرحمن الرحيم
طبعا مع احترامي الشديد للأخ مزكوني
اري ان شخصيته من وجهه نظري
عصبي شويه
ذكي وخاصه في اقامه العلاقات وتحسينها
عنيد
مرن
عنده ثقه بنفسه كبيره قد تصل الي حد المبالغه فيها
وايضا مغرور شويه
ده اللي انا شايفاه
فيك ولا مش فيك معرفش
وطبعا تقبل تحياتي
وياريت توصف اللي بعديك متوصفنيش انا ها
ياريت الموضوع يعجبكم بجد

MAZAKONY كتب:

انا بقى هقول اللى شوفته فى مصطفى من وجهة نظرى
مصطفى انسان محترم جدا
بيحب بلده اوى بدليل موقف :الصوره
بيعشق الحياه الجامعيه بالرغم من انه خلص كليه السنه اللى فاتت الا انه لسه مرتبط بالجامعه عن طريق مشروع وهو السايت دى او طريق غير مشروع سورى فى اللفظ انه يدخل الكليه ويكلم اصحابه اللى اصغر منه

كمان مصطفى انسان اجتماعى وبيحب يتعرف على كتير من الناس وكمان ناس كتير تعرفه
ودى كل اللى انا اعرفه عن حبيبى صاصا

MAZAKONY كتب:وانا احب اوصف ساره كمان
ساره بتخاف على مشاعر الناس اللى حوليها سواء كانوا اصحبها او مش اصحبها
جدعها جدا جدا مع اللى يحترمها بس بتبقى صعب اوى لو حست ان فى حد جه على كرمتها ودى حصل معايا شخصيا
بنت طموحه الى ابعد الحدود
شيك اوى فى كلامها وموضوعتها
عندها افكار كتيره اوى هدافه
عندها تفاؤل كبير فى الحياه
بصراحه انا مشفتهاش بس شخصيه جامده جدا
ربنا يوفقك ياساره فى حياتك الاسريه والمهنيه
محمد اخوكى

basant كتب:عندك حق يا مزاكونى فى اللى قلتله هى فعلا انسانة مخلصة وانسانة بتحب الخير وبتدواى جراح غيرها ومرحة ودمها خفيف وعارفة حدودها كويس

سارة كتب:اانا حابة اوصف ليكم مصطفى لان يمكن اكتر انسان بحترمه هنا فى المنتدى لانه عمره ما فكر يتكلم اى بنت فى كلام خارج المنتدى انسان محترم عارف دينه كويس يمكن

مغرور شوية انا كنت حاسة كده فى الاول لكن دلوقتى احساسى اتغير وظلمته انسان يحب

لينا الخير وكفايه انه جمعنا تانى دمه خفيف كان فى المنتدى القديم دمه خفيف بس مش عارفة

ايه اللى غيره فى المنتدى الجديد وعايزة اسالك سؤال انت كنت عايز توصف مين؟؟؟

مصطفى الجمل كتب:

سارة كتب:اانا حابة اوصف ليكم مصطفى لان يمكن اكتر انسان بحترمه هنا فى المنتدى لانه عمره ما فكر يتكلم اى بنت فى كلام خارج المنتدى انسان محترم عارف دينه كويس يمكن

مغرور شوية انا كنت حاسة كده فى الاول لكن دلوقتى احساسى اتغير وظلمته انسان يحب

لينا الخير وكفايه انه جمعنا تانى دمه خفيف كان فى المنتدى القديم دمه خفيف بس مش عارفة

ايه اللى غيره فى المنتدى الجديد وعايزة اسالك سؤال انت كنت عايز توصف مين؟؟؟

شكر ساره على الكلام الحلو ده رفعتى من روحي المعدنه بعد ما كانت فى الحديد
وانا لسه دمي خفيف بس كمنى اتخرجت وشيلت الهم شويه فتقل حبتين

شمس كتب:
---------------------------------------
ملك البلوتوث
انا بجد مش عارفه اقولك ايه
بس طبعا شكرا اولا لمرورك
بس مش عارفه انت ليه وصفت كل اللي في المنتدي الا انا
مش عارفه بأه ان كان زعل
ولا انت فعلا مستنبطش اي حاجه عن شخصيتي
ماااااااااااا علينا
شكرااااااااااااا لمرورك وتعليقك

MAZAKONY كتب:NO COMMENT

marwa_zk كتب:السلام عليكم
ياريت بجد محدش يزعل مني
هو ايه بالظبط الهدف من وصف التاني
اكيد الوصف مش هيكون دقيق لان معظمكم قال انه مشفش التاني فاكيد الوصف مش هيكون كامل وحتي لو يعرفه مش هيقول غير صفاته الحلوة بس
ومحدش هيقول العيب اللي في التاني لانه هيخاف انه يزعل منه (ده لو في عيب اصلا ) حتي لو قال عيب هيكون عيب بسيط لايذكر فبرضه مش هيكون في مصداقيه


بس والله انا عجباني روح الشباب والاخوة اللي هنا
حسيت انكم تعرفوا بعض من زمان يمكن حسيت انكم كنتم في نفس الدفعه كمان
ربنا يااااااااااااااااااااااااااااااااااارب يوفقكم وتحققوا اللي تتمنوه

وتقبلوا مروري وياريت تقبلوني اخت ليكم